Мизофобия — бактериялардан ҳимояланиш инсон ҳаётини қутқарадими?

 

Дунёдаги инсон психологияси ва темпраменти турлича. Шунингдек, ҳар биримизнинг чўчийдиган, қўрқувга туширадиган воқелик ва ҳодисотларимиз бор. Аммо тоза об-ҳавода ҳам  кундалик ҳаётда тинимсиз, чанг, ифлос жойларни топиб олиб, уларни йўқ қилишга, тозалашга муккасидан кетиб қоладиганлар тоифасини эшитганмисиз?  Улар мизофобиклардир.

 

Мизофобия нима?

 

Мизофобия белгилари: одам ифлосланишдан қўрқади, таҳликага тушади. Фақат антисептик ёки сув ва совун сизни инфекциядан қутқариши мумкин, деган фикр билан яшайди.

 

Чексиз, яхшилаб қўл ювиш аста-секин одатга айланади.  Тозалик учун мания танага фойда келтирмайди. Тинимсиз қўл ювишлар асосида зарарли бактериялар билан бирга фойдали бактериялар ҳам йўқ қилинади. Ифлос қўллар ва  чангга нотўғри муносабат инсон ҳамда унинг атрофдагиларни ҳаётини азобга айлантиради.

 

Бу ҳолатда нима қилиш керак?

 

1.Микроблар ва ифлосланиш ҳақидаги фикрни ўзгартириш лозим. Бактериялар бизнинг танамиз ва атроф-муҳитнинг табиий қисмидир. Бу ҳақдаги фильмларни томоша қилиш қўрқув ва хавотирни енгишга ёрдам беради.

 

2. Муаммоларингиз ва ташвишингиз ҳақида яқинларга  гапириш керак,  шунда дўстлар ва оила ўзи  ёрдам беради. Спиртли ичимликлар, чекиш, ширинликлар, чипслар, тез овқатланиш билан стрессни йўқотишдан кўра шунчаки гапириш яхшироқдир.

 

3. Мутахассисга мурожаат қилиш  - энг тўғри йўл.  У қайси дорилар ташвиш ва хавотирни назорат қилишда ёрдам бериши мумкинлиги бўйича аниқ тавсияларни беради.

 

Мизофобияда инсон ёқимсиз мазмундаги фикрларни миясига сингдиради ва “тозалаш маросимлари”ни қайта ва қайта ўтказаверди.

 

Уларнинг барчаси кучли қўрқув ва ҳаяжоннинг ҳосиласи эканлиги аниқланган.

 

 

Чўлпоной Аҳмедова тайёрлади.