Баъзи витаминларнинг ортиқча истеъмоли касалликка олиб келиши мумкин
Витаминларни шифокор маслаҳати билан қабул қилган маъқул. Шунда онкология хавфи анча камаяди.
Мутахассисларининг фикрига кўра, фола кислотаси ёки В9 витамини ортиқча истеъмол қилиниши саратон ҳужайраларининг кўпайишига олиб келиши мумкин.
Бундан ташқари, Бирмингемдаги (AҚШ) Aлабама университети маълумотларига кўра, яшил баргли сабзавотлар таркибидаги фолат кислотаси ҳужайралар кўпайиши ва тикланишида муҳим роль ўйнайди.
Шунингдек, бу қўшимча кўпинча ҳомиладорликдан олдин ва ҳомиладорлик пайтида ҳомила нерв найчалари нуқсонлари ривожланиш хавфини камайтириш учун буюрилади. Фолат кислота йўғон ичак саратони олдини олишда ҳам фойдалидир.
Бироқ синовдаги бир қанча гуруҳларда В9 витаминини ортиқча истеъмол қилиш саратон ҳужайраларининг тез бўлиниши туфайли ўлимнинг бироз ошишига олиб келган.
Чўлпоной Аҳмедова тайёрлади.
