“Хаста бўлма” иши тинчиб кетмади(ми?)
Маълум бўлишича, шоир Йўлчи Рўзиев ва Ўзбекистон халқ артисти Юлдуз Усмонова ўртасидаги суд иши ҳали давом этмоқда.
Хабарингиз бор, бундан олдинги жараёнларда Мирзо Улуғбек туманлараро фуқаролик суди Усмоновадан шоир фойдасига товон пули ундириш ҳақида қарор чиқарганди. Бунга Усмонова шоирнинг "Хаста бўлма" номли шеъридан муаллифлик ҳуқуқини бузган ҳолда фойдалангани сабаб бўлган.
Бироқ воқеа бу билан тинчиб кетгани йўқ. Маълум бўлишича, бир неча кун олдин хонанда томонидан Тошкент шаҳар судига апелляция шикояти киритилган.
Хозирда апелляция суди фуқаролик иши бўйича чиқарилган биринчи суд қарорини нечоғлик тўғри бўлганлигини кўриб чиқмоқда.
Аввалроқ Юлдуз Усмонова судда ютқазгани ҳамда шоирга 185 миллион сўм тўлаб бериши ҳақида хабар берилганди.
Оламгир Абдиев
