Юлдуз Усмонова судда ютқазди. У шоирга 185 миллион сўм тўлайди
Ўзбекистон халқ артисти Юлдуз Усмонова Йулчи Рўзиевнинг “Хаста бўлма” шеърини қўшиқ қилиб ижро этган.
Аниқланишича, шеър муаллифи бу шеърни ўз турмуш ўртоғига атаб 2016 йилда ёзган. Унинг сўзларига кўра, хонанда қалам ҳақи эвазига унга шеърий тўпламини чоп этилишига кўмаклашишни ваъда қилган.
Бироқ, хонанда шоирнинг шеърий тўпламини чоп эттириш ваъдаси билан уни узоқ муддат алдаб юрган.
Шунингдек, 29 октябрь куни Фуқаролик ишлари бўйича Тошкент шаҳар Мирзо Улуғбек туманлараро судида шоир Йўлчи Рўзиев ҳамда хонанда Юлдуз Усмонова иштироки билан очиқ суд мажлиси бўлиб ўтди.
Суднинг якуний қарорига кўра, даъво аризаси қисман қаноатлантирилди.
Судда даъвогар ҳисобига унинг маънавий зарари учун 50 миллион сўм ҳамда БҲМнинг 500 баравари миқдоридаги маблағ Юлдуз Усмоновадан ундирилиши ҳақида қарор қабул қилинди.
Маълумот учун, шоир Йўлчи Рўзиев Юлдуз Усмоновадан 3 йил мобайнида “Хаста бўлма” ва “Севги изҳори” номли шеърлари учун қалам ҳақи олмаётганини маълум қилганди.
Эслатиб ўтамиз, аввалроқ Тошкент шаҳар ИИББ Жаҳонгир Отажонов устидан судга мурожаат қилгани ҳақида хабар берилганди.
Чўлпоной Аҳмедова
