Доллар кутилмаганда тушиб кетди
Марказий банк 24 декабрь ойи учун валюталар курсини эълон қилди.
Унда 1 АҚШ доллари эртага расмий курс билан 10 807,25 сўмга баҳоланади. Қайд этиш керак, бу декабр ойидан бери биринчи марта кескин тушиш ҳисобланади. Сабаби ҳали жорий ой бошидан бери АҚШ валютаси 40 сўмдан ортиқ суммага пастламаган эди.
Маълумот учун, декабрь ойи бошланиши билан АҚШ долларининг кескин ўсиши кузатилган эди. Тижорий банклар ҳам сотиш суммасини кескин оширган. Мисол учун, Марказий банкнинг 22 декабрь санаси учун эълон қилган валюталар курсидан сўнг(10 837,65 сўм) тижорий банклар 1 АҚШ долларини 10 880 сўмдан сота бошлаган эди. 23 декабрда эълон қилинган валюталар курсидан сўнг эса(10 848,58 сўм) тижорий банклар АҚШ валютасини 10 900 сўмдан сотишни бошлади. Бу сумма ҳозирча рекорд кўрсатгич бўлиб турибди, чунки ҳали ҳеч бир йили доллар курси бунча суммага чиқмаган.
Эслатма. 24 декабрь учун Россия рублининг расми курси 147,41 сўм, евро эса 12 234,89 сўм этиб белгиланди.
Аввалроқ Ўзбекистонга хориждан қанча пул жўнатилгани маълум қилингани ҳақида хабар берилганди.
Оламгир Абдиев
