Тиббиёт соҳасидаги мурожаатларнинг 74 фоизи ҳал этилди
Тошкент шаҳридан келиб тушган 168 та мурожаатдан 146 таси (87 фоизи) ўз ечимини топган.
Давлатимиз раҳбарининг соғлиқни сақлаш соҳаси вакиллари билан бўлиб ўтадиган “Ўзбекистон тиббиёти — инсон қадри учун” мавзусидаги очиқ мулоқотига тайёргарлик жараёни қизғин паллага кирdi. Президент Администрацияси, Соғлиқни сақлаш вазирлиги ва бошқа идораларнинг етакчи мутахассисларидан тузилган штаб таркибида “Сall-марказ”, Таҳлил, ижро ва назорат гуруҳи ҳамда Медиа марказ фаолият олиб бормоқда. 1295 қисқа рақамли “Сall-марказ”га шу кунга қадар жами 2055 та мурожаат келиб тушди. Шундан 74 фоизи ўз ечимини топган бўлса, 26 фоизи ижро жараёнида.
Шунингдек, Тошкент шаҳридан келиб тушган 168 та мурожаатдан 146 таси (87 фоизи) ўз ечимини топган бўлса, Қорақалпоғистон Республикаси ва вилоятлар ҳиссасига тўғри келаётган 1042 та мурожаатдан 750 таси (72 фоизи)нинг ижроси таъминланди.
Аввалроқ Бухорода илк бор буйрак кўчириш амалиёти ўтказилгани ва Россияда сохта эмлаш сертификатларига эга бўлганларни аниқлайдиган тест яратилгани ҳақида хабар берилганди.
Жамшидбек Амиров
