0
Туркияда қорнинг қалинлиги 2 метрга етди
Қалин қор остида қолган қишлоқлар ташқи дунёдан узилиб қолган.
Туркиянинг Шарқий Қора денгиз минтақасида кучли қор ёғиши кузатилмоқда, қорнинг баландлиги икки метрга етди. Бу ҳақда "Hurriyet" нашри хабар берди.
Қор ва муз туфайли Трабзон, Ризе, Артвин ва Гиресундаги бошланғич ва ўрта мактаблар фаолияти тўхтатилди. Бу табиат ҳодисаси айниқса тоғли ҳудудларга энг кўп таъсир кўрсатди. Айрим қишлоқлар ташқи дунёдан узилиб қолган Қишлоқларнинг кўчалари тор бўлгани учун аҳоли пунктларида махсус техника ишлай олмайди. Одамлар уйларини ва кўчаларни белкурак билан тозалашмоқда.
Аввалроқ Ёқутистонда ҳаво ҳарорати -45 айрим жойларда эса -50 даражага етгани хабар қилинганди.
