Ёқутистонда аномал совуқ сабаб мактаблар ёпилди
Бу сўнгги ўн йилликда қайд этилган энг паст ҳароратдир.
Ёқутистонда ҳаво ҳарорати -45 айрим жойларда эса -50 даражага етди, деб хабар берди Riafan.ru
Метеорология марказининг хабар қилишича, совуқ ҳаво оқими ҳафта давомида салқаниб қолади. Кескин совуқ сабаб мактабларда дарслар бекор қилинган. Кучли қор бўронлари сабабли йўлларда ҳаракатланиш қийинлашган. Қор ва туман кўриш даражасини пасайтирган.
Синоптиклар Ёқутистонда декабрь ойи одатдагидан совуқ бўлишини таҳмин қилмоқда.
Маълумот учун: бу каби ҳарорат Россиянинг бошқа минтақаларида ҳам ҳукум сурмоқда.
Владивостокда йўлларнинг музлаб қолиши оқибатида улкан тирбандлик ва тартибсизлик келиб чиқди. Минглаб одамлар элект тармоғидан узилиб қолган. Синоптиклар эса Примореда 22-23 ноябрь кунлари кутилаётган бўрон ҳақида огоҳлантирди.
Аввалроқ Мисрнинг Ўрта Ер денгизи соҳилларига қум бўрони, жала ва бўрон ёпирилгани ҳамда климатологлар дунёни янго об-ҳаво хавфидан огоҳлантиргани ҳақида хабар берилганди.
Насиба Тўхтаева
