Юртимизда янги йилнинг илк кунида 1448 нафар чақалоқ дунёга келди
Улардан 732 нафари ўғил бола, 716 нафари эса қиз бола.
2022 йилнинг 1 январь куни, соат 17:30 ҳолатига кўра, мамлакатимизда жами 1448 нафар чақалоқ дунёга келди. Янги йилнинг биринчи кунида туғилган гўдакларнинг 732 нафари ўғил бола, 716 нафари эса қиз бола бўлиб, энг кўп туғилиш ҳозирча Самарқанд вилоятида (193 нафар) қайд этилди.
Шунингдек, ҳудудлар кесимида кейинги ўринларда:
Қашқадарё вилояти (146 нафар),
Фарғона вилояти (137 нафар),
Андижон вилояти (131 нафар),
Наманган вилояти (123 нафар) банд этди.
Энг кам туғилиш эса Сирдарё вилояти (39 нафар) ҳиссасига тўғри келди.
Эътиборлиси, туғилганларнинг 8 нафари эгизаклардир. Айни пайтда шифокорларимиз гўдакларнинг барчасига белгиланган стандартлар бўйича сифатли тиббий хизмат кўрсатишмоқда.
