“Прописка”ни такомиллаштириш учун 3 миллиард сўм ажратилади
Мазкур маблағ президентнинг “2022-2026 йилларда Ўзбекистонни ривожлантиришнинг янги стратегияси тўғрисида”ги қарорига мувофиқ амалга оширилади.
Қайд этилишича, Ўзбекистонда фуқароларни яшаш жойи бўйича ҳисобга олиш тизимини соддалаштириш учун маълум миқдорда маблағ ажратилади.
Унга кўра, фуқароларни яшаш жойи бўйича ҳисобга олиш тизимини янада соддалаштириш ва аҳолига қўшимча қулайликлар яратиш, ушбу йўналишда бошланган ислоҳотларни якунига етказиш кўзда тутилган.
Бундан ташқари, Тошкент шаҳри ва Тошкент вилоятида фуқароларни доимий яшаш жойи бўйича ҳисобга олишнинг амалдаги тартибини янада соддалаштириш ва истиқболда фуқароларни яшаш жойи бўйича ҳисобга олишнинг ягона электрон тизимини жорий этишни ҳам кўзда тутган.
Ушбу маблағлар амалиётда қўллаш учун, фуқароларнинг шахсий биометрик маълумотларини олиш, сақлаш ва улардан фойдаланган ҳолда шахсини тасдиқлаш каби бирламчи тажрибаларни амалга ошириш учун йўналтирилади.
Эслатиб ўтамиз, аввалроқ синов тариқасида 4 та ҳудудда аҳолини рўйхатга олиш жараёнлари бошлангани ҳамда Ўзбекистонда аҳоли сони ҳар куни ўртача 2 минг кишига ошётгани ҳақида хабар берилганди.
Чўлпоной Аҳмедова
