"Гунафша"нинг қандай касалга чалингани маълум бўлди
"Меҳрли қўллар" имконияти чекланган ёшлар ва болалар маркази раҳбари Раъно Шодиева айни дамда Туркияда.
Актриса Раъно Шодиева Instagramда жонли эфир вақтида нима сабабдан жарроҳлик амалиётини бошдан кечирганини маълум қилди.
"Жигаримнинг 60 фоизи олиб ташланди ва соғлом қисмини қолдиришди. Жигар бу – ўсадиган нарса. Унинг олиб ташланган қисми Худо хоҳласа 1 йил ичида ўсиб жойига тушади.
Амалиёт осон бўлмади, жуда қийин, машаққатли бўлди. Жигарнинг организм ишида 300 та функцияси бор, жигарда қон томирлари кўп. Уларнинг ҳаммасини жой-жойига қўйиб тикиш керак бўлди. 5 ойдан бери Туркиядаман. Ҳозир муолажа оляпман, кимёвий даволанишдаман", деди Раъно Шодиева.
Маълумот учун: актриса 29 январь куни 11 соатлик оғир операцияни бошдан кечиргани ҳақида маълум қилган ва Яратган унга иккинчи ҳаёт берганини айтган эди.
