Эскалотордан йиқилиб ўлган бобо ва тирик қолган набира билан боғлиқ ҳолат тергов қилинмоқда
Навоий вилоят ИИБ ҳолат юзасидан расмий маълумот берди.
Ижтимоий тармоқларда Навоий шаҳридаги “Янги ҳаёт” савдо мажмуасида бобо ва набира эскалатордан қулаб тушгани тўғрисидаги видеолавҳалар тарқалди.
Ҳолат юзасидан Навоий вилояти ИИБ қуйидагиларни маълум қилди.
Ҳодиса кеча, 18 февраль куни соат 20:30ларда содир бўлган. Кармана туманида яшовчи, 1969 йилда туғилган Ш.Т. 3 ёшли набираси А.С. билан Навоий шаҳридаги “Янги ҳаёт” савдо мажмуасига борган.
Улар савдо мажмуасининг 5 ва 4-қават оралиғидаги эскалаторда мувозанатни йўқотиб, 1-қаватга тушиб кетган. Фуқаро Ш.Т. воқеа жойида вафот этган. Тан жароҳати олган А.С. эса вилоят кўп тармоқли болалар тиббиёт марказига ётқизилган.
Ҳозирда бола 3 ёш-у 4 ойлик бўлган ва ҳозирда у реанимация бўлимида.
Ҳолат юзасидан Навоий шаҳар ИИБ ҳузуридаги Тергов бўлими томонидан терговга қадар текширув ҳаракатлари олиб борилмоқда.
Эслатиб ўтамиз, аввалроқ Фарғонада банк ходимаси хизмат вақтида вафот этгани ҳақида хабар берилганди.
