Фарзанд доғида эрта куйган ўзбек санъаткорлари

 

Фарзанд бу — инсонга Аллоҳ томонидан берилган энг азиз неъмат. Уни асраш, меҳр бериш бу бандаларининг ҳаётдаги шукуроналаридан биридир. Аммо боладан эрта айрилиш қайғуси ота-она учун азоб.

Ўзбек шоу-бизнес вакиллари орасида ҳам фарзанд доғида куйганлар йўқ эмас.

 

Улардан бири — маҳоратли актириса Фотима Режаметова учун 2018 йил жуда оғир келган. Сабаби ягона қиз фарзанди Фарангиз Режаметовадан бахтсиз ҳодиса (автоҳалокатга учраган) туфайли айрилган.

 

Ўзбекистон халқ артисти Ғуломжон Ёқубов 1998 йилда ҳаётидаги қийин кунларни бошидан кечирган. Чунки у бир куннинг ўзида икки ўғлидан ажралади. Уларнинг бундай ўлим топишига ҳам автоҳалокат сабаб бўлган.

 

Ўзбекистон халқ артисти Тўти Юсупова ҳам кетма-кет икки ўғлидан айрилган. Актириса ўша йилларни хотирлаб, шундай дейди:

— Озгина муддат ўтгач, кенжа фарзандимнинг болалари, яъни набираларим онасидан ҳам айрилиб, чин етим бўлиб қолишган.

 

Хонанда Маҳмуд Намозов вояга етмаган 12 ёшли ўғлидан айрилганини кўз ёш билан ёдга олади. Фарзанди гепатитнинг оғир формаси билан ҳасталанган. Жудолик хонандани узоқ муддат руҳий тушкунликка тушириб қўйган.

 

Ўзбекистонда хизмат кўрсатган артист Раъно Ярашева 3 нафар фарзанднинг онаси бўлган. Хонанда ва актирса Мадина Мумтознинг марҳума опаси синглиси туғилмасидан аввал 4 ёшида бедаво касаллик туфайли вафот этган.

Ўзбекистон халқ артистлари Бахтиёр Ихтиёров ва унинг собиқ турмуш ўртоғи бўлган Марям Ихтиёроваларнинг кенжа фарзанди Элёрбек туғма буйрак етишмовчилиги ҳасталиги туфайли оламдан кўз юмган.