Hamkorbank “Sberbank Online"дан пул ўтказмаларини қабул қилишни тўхтатди
2 кун аввал “Сбербанк” АҚШ санкциялари остида қолганди.
25-февралдан бошлаб Hamkorbank “Sberbank” Online иловаси орқали юборилган пул ўтказмаларини карталарга ўтказишни тўхтатади.
Бу ҳақда банк матбуот хизмати хабар берди.
Вақтинчалик чеклов банк тизимларида олиб борилаётган техник ишлар муносабати билан жорий қилинган. Расмий сабаб "техник носозлик".
Бу мижозларга йўқотишлардан қочишга ёрдам беради, дейилади ҳисоботда. Чекловларни бекор қилиш муддати ошкор этилмаган.
Илова эгаси, “Сбербанк”, Украинада ҳарбий ҳаракатлар бошланганидан кейин қабул қилинган Россия компанияларига қарши янги санкциялар пакетида пайдо бўлди. Унга нисбатан чекловлар АҚШ ва Канада расмийлари томонидан киритилган. Хусусан, Америка молия институтларига 30 кун ичида “Сбербанк"нинг барча вакиллик ҳисобларини ёпиш ва шундан сўнг банк ёки унинг қошидаги корхоналари билан боғлиқ операцияларни рад этиш буюрилган.
Бироқ, банкнинг АҚШдаги активлари музлатилмайди. “Сбербанк” ҳали ҳам харидор сифатида Америка корхоналари билан операцияларни амалга ошириши мумкин (масалан, дастурий таъминот).
Бундан ташқари, “Совкомбанк” санкциялар остида қолди, бундан бироз олдин “Ўзагроекспортбанк” акцияларининг 100% давлат улушини сотиб олди.
Манбаларга кўра, банк аллақачон валюта айирбошлаш билан боғлиқ операцияларни тўхтатган.
