Украинага ўзбекистонликларни олиб келиш учун махсус самолёт жўнатилди
Эвакуация ишлари Польшанинг Катовице аэропортида бўлиб ўтмоқда.

Бугун Тошкентдан учиб кетган "Uzbekistan Airways" АЖ махсус самолёти 12.45 да Катовице аэропортига қўнади.
Ҳозирги пайтда Катовице (Польша) аэропортига 262 нафар Ўзбекистон фуқароси олиб келинган.
Ўзбекистоннинг Киевдаги элчихонаси берган маълумотга кўра, фуқароларимизни Украинанинг "Краковец" назорат ўтказиш пункти орқали тезроқ ўтказиш учун 7 та автобус ижарага олинган. Улар кўмагида шу пайтгача Украина-Польша чегарасига 11 марта қатнов амалга оширилган.
Сўнги маълумотларга кўра, Ўзбекистонлик 560 нафар фуқаро Польша давлат чегарасини кесиб ўтган.
Польшанинг чегара ҳудудида Ўзбекистоннинг Варшавадаги элчихонаси ходимлари томонидан ташкилий масалалар ҳал қилинмоқда.
Чегарада юртдошларимиз озиқ-овқат билан тўлиқ таъминланган, улар учун барча шарт- шароитлар яратилган.







