Қашқадарёда “Дамас” вояга етмаган болани уриб юборди
Ҳодиса оқибатида бола шифохонага ётқизилган.
Вилоят ИИБнинг хабар қилишича, 4-март куни Чироқчи тумани “Истиқлол” маҳалласида яшовчи фуқаро бошқарувидаги “Дамас” русумли автомашина иштирокида ЙТҲ содир бўлган.
Ҳайдовчи машинани “Қарши-Чим-Чироқчи-Шаҳрисабз” йўлининг Чироқчи тумани Дам қишлоғи ҳудудидан бошқариб бориб, йўлни ўнг томонидан чап томонига пиёда кесиб ўтаётган вояга етмаган болани уриб юборган. Натижада у тан жароҳати олиб шифохонага ётқизилган.
Ҳозирда мазкур ҳолат юзасидан терговга қадар суриштирув ишлари олиб борилмоқда.
