Қозоғистон Кавказ йўналиши орқали маҳсулотлари экспортини кўпайтирмоқчи
Бу ҳақда ҳукуматга топшириқ берилган.
Қозоғистон муқобил транспорт йўлакларини қидиришни бошлади.
Бу ҳақда "Sputnik Казахстан" хабар берди.
Республика бош вазири Алихон Смаилов ҳукуматга Озарбайжон ва Грузия билан музокаралар натижасида тезкор чоралар кўришга топшириқ берган. Шу билан бирга у Қозоғистон товарларига тарифни камайтириш муҳимлигигв эътибор берган.
Расмий Нур Султон делегацияси икки кундан буён Озарбайжон вакиллари билан Бокуда бир қатор музокаралар ўтказмоқда. Унда транспорт-логистика масаласи марказий мавзулардан бўлиб турибди. Хусусан, томонлар Озарбайжон орқали қозоқ нефтини экспорт қилишда сезиларли ишлар амалга оширилганини таъкидлади.
Эслатиб ўтамиз, аввалроқ Ўзбекистоннинг Озарбайжондаги элчихонаси юк ташувчиларга огоҳланитириш билан чиққанди.
