Евроиттифоқ аста-секин Россия кўмири, нефть ва газидан воз кечади
Бу ҳақда "Reuters" агентлиги хабар берди.
Агентлик ЕИ Версал саммити декларацияси лойиҳасига асосланиб маълумот берган.
"Беқарорлик, стратегик рақобат ва хавфсизликка таҳдидларнинг ўсиши муносабати билан, биз ўз хавфсизлигимиз учун кўпроқ жавобгарлик олишга ҳамда Европа суверенитетини мустаҳкамлаш, 2030 йилга келиб янги ривожланиш моделлари ва инвестицияларга қарамликни камайтиришга қаратилган қатъий қадамларни амалга оширишга қарор қилдик", — дейилади ушбу декларацияда. Демак, ЕИ 2030 йилга келиб Россия энергетик ресурсларига бўлган қарамликдан қутилмоқчи.
Маълумот ўрнида: Евроиттифоқ давлатлари раҳбарларининг норасмий саммити 10-11 март кунлари Версалда бўлиб ўтади.
Эслатиб ўтамиз, аввалроқ ЕИ бош дипломати Жозеп Боррель Россия газига санкция жорий этилмаслигини айтганди.
