Бизга пул керак, лекин одамлар ўлмоқда – Александр Чеферин
УЕФА “Газпром”сиз катта молиявий йўқотишларга дуч келади.
УЕФА "Газпром" билан шартномани бекор қилгач, катта молиявий йўқотишларга дучор бўлади, аммо шунга қарамай, бу қарор тўғри. Бу ҳақда ташкилот президенти Александр Чеферин маълум қилди.
Унинг тан олишича, сиёсатчилар узоқ вақтдан бери футбол иттифоқини бунга чақириб келишган, ваҳоланки, Европанинг ўзи Россиядан газ сотиб олишда давом этмоқда.
"Биз "Газпром" билан келишувни бузган ҳолда тўғри иш қилдик. Бизга пул керак, лекин одамлар ўлмоқда. Ва мен Россияни бу алоқани узиш ҳақида олдиндан огоҳлантирдим. Мен қўрқоқ эмасман, яширинча ҳеч нарса қилмайман. Биз Чемпионлар лигаси финалини Россиядан олдик ва спорт санкцияларини қўлладик", - деб Чеферин сўзларини келтирмоқда Cорриере делла Сера.
