Россия мувафаққиятга эришмайди — Байден
АҚШ етакчиси Украина бўйича муҳим баёнот берди.
АҚШ Украинада Москвага қарши уруш бошламоқчи эмас. Бу ҳақда Жозеф Байден маълум қилди.
"Биз Украинада Россияга қарши урушмаймиз. НАТО ва Россия тўғридан-тўғри тўқнашуви — бу учинчи жаҳон уруши дегани. Биз бунга йўл қўймаслигимиз керак", — деган у.
Аммо шу билан бирга Оқ уй раҳбари НАТОнинг ҳар бир қарич ери бор куч билан ҳимоя қилинишини айтган.
Байден журналистларнинг Россия Украинада кимёвий қуролдан фойдалангани тўғрисидаги саволга аниқ жавоб бермаган. "Мен разведка маълумотлари тўғрисида гапирмайман. Лекин Москва кимёвий қуролдан фойдаланса, жавоб беради"—, деб таъкидлаган у.
Байден Россия Украинада мувафаққиятга эришмаслигини алоҳида қайд этган.
Эслатиб ўтамиз, аввалроқ Путин ва Зеленский учрашуви ташкил этилиши мумкинлиги тўғрисида хабар берилганди.
