Россия ва Украина еткачилари учрашуви ташкил этилишига барча асос бор – Эрдўған вакили
Аввалроқ Сегрей Лавров Путиннинг Зеленский билан учрашишга тайёрлигини айтганди.
Путин ва Зеленский яқин келажакда учрашиши мумкин. Бу ҳақда Туркия Президенти расмий вакили Иброҳим Калын маълум қилди.
“Россия ТИВ раҳбари Сергей Лавров Путин ҳеч қандай иккиланишсиз Зеленский билан учрашишини маълум қилди. Мен буни яхши йўл деб ҳисоблайман. Учрашув ташкил этилишига ва унинг яқин келажакда бўлади деб ҳисоблашга асос бор”, – деган у.
У, шунингдек, Туркия Россияга қарши санкцияларга қўшилмаслигини яна бир бора таъкидлади.
Маълумот ўрнида: 10 март куни Россия ва Украина ташқи ишлар вазирлари Туркияда учрашди. Ушбу учрашув ташкиллаштирилишига Анқара ташаббус кўрсатган. Музокараларда амалда ҳеч қандай натижага эришилмади.
Эслатиб ўтамиз, аввалроқ ГФР собиқ канцлери Украинадаги вазиятни юмшатиш учун Москвага боргани тўғрисида хабар берилганди.
