Эронда йирик қўпорувчиликнинг олди олинди – ОАВ
У ядро объектларидан бирига қаратилган.
Эрон ядро объектларига қўпорувчиликнинг олди олинди. Бу ҳақда Эрон давлат телевидениеси хабар берди.
Унга кўра, Ислом инқилоби муҳофизлари корпуси разведка хизмати Фордодаги ядро иншоотидаги хавфни бартараф этган. Қўпорувчилик Наврўз арафасида амалга оширилиши режалаштирилгани айтилмоқда.
Ҳукумат янада тўлиқроқ маълумот беришни маълум қилган.
Маълумот ўрнида: Эрон ядро дастури ва ядро объектлари унга қарши жорий этилган санкцияларнинг асосий сабаби ҳисобланади. Ўтган йиллар давомида у бир неча бор йирик ёнғин ва портлашлар нишонига айланган. Эрон бунда асосан Исроилни айблаб келади.
Эслатиб ўтамиз, аввалроқ Эрон Ироқдаги Арбил шаҳрига ракета зарбаси бергани тўғрисида хабар берилганди.
