Ўзжан Дениз эронлик қиз билан оила қуради

 

Туркиялик таниқли актёр ва режиссёр Ўзжан Дениз эронлик дизайнер Самар Дадгар билан турмуш қуриш арафасида эканлигини маълум қилди. Актёр 27 ёшли қизнинг қўлини сўраган, қиз эса унинг таклифига розилик берган. Аммо тўйга Ўзжаннинг онаси Қадрие Денгиз норозилик билдирмоқда. У ўғлининг ўзидан 22 ёш кичик қиз билан оила қуришини маъқул деб билмаган.

 

Маълумот ўрнида: Ўзжан Дениз ва Самар Дадгар ўртасидаги муносабатлар ҳақида туркиялик журналистлар “Сени шунчалар узоқ кутдим” фильмининг суратга олиш ишлари бошланган вақтда хабар топишган. Ушбу фильмга Ўзжан Денгиз продюссерлик қилган ва ундаги бош ролни ҳам ўзи ижро этган.

 

Ўзжан Дениз бугунги кунга қадар икки марта уйланиб ажрашган. У биринчи рафиқаси Хандан Дениз билан бирга 9 йил умр кечирган, иккинчи бор Фейза Актан билан оила қурган. Жуфтликнинг турмуши бор-йўғи бир йил давом этган, ажримдан сўнг Фейза Актан Ўзжан Денизни зўравонликда айблаб судга берган.