"Давлат шифохоналаридаги ойлик масаласига, албатта, тўхталамиз" — Шавкат Мирзиёев

 

Давлат раҳбари ўз нутқида шифокорлар, ҳамширалар, соҳа олимлари, кенг жамоатчилик томонидан билдирилган фикр-мулоҳазалар асосида йиллар давомида тўпланиб қолган муаммо ва камчиликларни ҳал этиш орқали соҳани тубдан ривожлантириш, жаҳон стандартларига мос тиббиёт тизимини шакллантириш, аҳолига тиббий хизмат сифатини ошириш бўйича муҳим ташаббусларни илгари суриб, кенг кўламли вазифаларни белгилаб беради.

 

Очиқ мулоқотни оммавий ахборот воситаларининг 100 дан ортиқ вакили ёритмоқда.

Президент жойлардан соҳани ривожлантиришга оид 25 мингдан ортиқ таклиф ва ташаббус, cаволлар келганини маълум қилди.

Шавкат Мирзиёев:

— 60 фоизи шахсий саволлар. Нима учун бу учрашув чўзилди? 85% муаммолар аввал ҳал қилинди. Албатта, ҳамманинг ҳам саволини бирданига ҳал қилолмаймиз. Билим билан, вақт билан ечилади. Биз пандемия бўлмаганда барча маблағни ижтимоий соҳалар: ўқитувчи, шифокор, халққа берган бўлардик. Аммо ҳар битта одамнинг соғлиги учун курашдик.

 

Маълумот учун: "Ўзбекистон" халқаро анжуманлар саройида Президентнинг соғлиқни сақлаш соҳаси вакиллари билан очиқ мулоқоти давом этмоқда.