Ўзбекистонда яна бир тўлов ташкилоти фаолиятига рухсат берилди
Рухсатнома Марказий банк бошқарувининг қарорига мувофиқ тақдим этилди.
Ўзбекистонда яна бир масъулияти чекланган жамиятга тўлов ташкилоти фаолиятини амалга ошириш учун лицензия берилди.
Бу ҳақда Марказий банк матбуот хизмати хабар берди.
Қайд этилишича, Марказий банк бошқарувининг қарори билан OCTAGRAM масъулияти чекланган жамиятига тўлов ташкилоти фаолиятини амалга ошириш учун лицензия берилган.
Эслатиб ўтамиз, аввалроқ HUMO ва UZCARD терминаллари иккала тўлов тизими карталарини ўзаро қабул қилишлари учун янгилангани ва Ўзбекистонда QIWI'дан фойдаланишга рухсат берилгани ҳақида хабар берилганди.
