Тошкентда 5 та автомобиль тўқнашуви содир бўлди
Ҳодисага автомашиналарнинг оралиқ масофага риоя қилмаслиги сабаб бўлган.
Ижтимоий тармоқда 5 та автомобиль иштирокида ЙТҲ содир бўлгани акс этган видеолавҳа тарқалди. Ҳолат юзасидан ЙҲХББ расмий изоҳ берди.
Маълум қилинишича, ҳодиса бугун, 25 март куни пойтахтнинг Юнусобод тумани “Аҳмад Дониш” кўчасидаги автомобиль кўпригида рўй берган. Тўқнашувга автотранспорт воситаларининг оралиқ масофани сақламай ҳаракатланиши сабаб бўлган.
ЙТҲда “Нексия–2”, “Нексия–3”, “Каптива”, “Спарк” ва “ВАЗ–11184” русумли автомашиналар олдинма-кетин тўқнашган.
Ҳодиса оқибатида ҳеч ким тан жароҳати олмаган. Ҳолат юзасидан тегишли идора вакиллари суриштирув олиб бормоқда.
Аввалроқ Юнусобод туманида “Лаcетти” ҳайдовчиси пиёдани уриб юборгани хабар қилинганди.
Жавоҳирбек ТУРСУНОВ
