Наманганда 6 киши автоҳалокатга учради
Ҳодисага ҳайдовчилардан бирининг ҳаракат хавфсизлигига риоя қилмагани сабаб бўлган.
Кеча, 31 март куни соат 22.30 атрофида Наманган шаҳрининг “Ислом Каримов” кўчасида “Лаcетти” ва “Спарк” автомашиналари иштирокида ЙТҲ содир бўлди. Бу ҳақда вилоят ЙҲХБ хабар берди.
Маълум қилинишича, “Наманган–Тўрақўрғон” йўналишида ҳаракатланаётган “Лаcетти” ҳайдовчиси қувиб ўтиш қоидаларига амал қилмай, тезликни оширган ва ўзи билан бир йўлишда кетаётган “Спарк” автомашинасининг йўлига чиқиб кетган.
Ҳодиса оқибатида “Спарк” автотранспорт воситаси қарама-қарши йўналишни иккига ажратиб турувчи бетон тўсиққа чиқиб, устунга урилган.
Қайд этилишича, ҳар икки транспорт воситасида 2 нафардан йўловчи бўлган. Ҳеч ким тан жароҳати олмаган.
