0
Икки йилдан сўнг яна Тошкент — Париж йўналиши бўйича мунтазам авиақатновлар тикланди
Шаҳарга парвозлар 2022 йил 29 апрелдан бошлаб 10 июнгача, шунингдек 26 августдан 28 октябргача ҳафтада икки марта — сешанба ва жума кунлари амалга оширилади.
“Uzbekistan Airways” АЖ икки йилдан сўнг Тошкент — Париж — Тошкент йўналиши бўйича мунтазам авиақатновларни тикланаётгани ҳақида маълум қилди.
Тошкент — Париж йўналиши бўйича авиачипта нархи 4 038 862 сўмдан (багажсиз) ва 4 777 879 сўмдан (багаж билан), Тошкент — Париж — Тошкент йўналиши бўйича эса 7 582 047 сўмдан (багажсиз) ва 8 772 182 сўмдан (багаж билан) бошланади.
Чипталарни авиакомпаниянинг расмий сайтида 3% чегирма билан, "Uzbekistan Airways" Салес филиалидан ёки авиакомпания агентларидан харид қилиб олиш мумкин.
