Хитой яна коронарекорд қайд этди
Аввалроқ Буюк Британияда коронавируснинг янги штамми — ХЕ аниқланганди.
Хитойда коронавирус билан касалланишнинг янги антирекорди қайд этилди. Гигиена ва соғлиқни сақлаш давлат қўмитаси хабарига кўра, бугун, 11 апрель куни 27 595 янги ҳолат рўйхатга олинди.
Беморларнинг катта қисмида касаллик симптомсиз ўтмоқда. Бундай ҳолатлар 26 411 тани ташкил қилади.
Бунинг фонида шифохонада даволанаётганлар сони қисқармоқда. 11 апрель ҳолатига кўра коронавирус касалхоналаридаги беморлар сони ўтган ҳафтадан 13%га пасайган.
Коронавирусдан уйида даволанаётганлар сони 2,2 мартага ошиб 242,2 минг кишини ташкил этади.
Аввалроқ Буюк Британияда коронавируснинг янги штамми — ХЕ аниқлангани ҳақида хабар берган эдик. Олимлар ҳозирда унинг қай даражада хавфли эканини аниқламаган. Янги вариант BA.1 ва BA.2 "омикрон" штаммлари қўшилишидан пайдо бўлган.
