Қўқонда вояга етмаган шахс автоҳалокатга учради
Ҳодиса оқибатида ҳайдовчи жиддий тан жароҳати олган.
Ижтимоий тармоқда вояга етмаган шахснинг автоҳалокатга учрагани акс этган видео тарқалди. Ҳолат юзасидан ЙҲХХ расмий маълумот берди.
Қайд этилишича, ҳодиса 12 апрель куни соат 06.35 да Фарғона вилоятининг Қўқон шаҳрида юз берган. 2005 йилга туғилган йигит “Ласетти” автомашинасида А. Чархий кўчасида қарама-қарши йўналишда ҳаракатланган ва бошқарувни йўқуотиб, икки йўлни ажратиб турувчи бетон тўсиқнинг устунига бориб урилган.
Ҳодиса оқибатида қоидабузар ҳайдовчи тан жароҳати билан шифохонага мурожаат қилган.
Ҳозирда мазкур ҳолат юзасидан Қўқон шаҳар ИИБ ЙҲХБ ходимлари томонидан суриштирув ҳаракатлари олиб борилмоқда.
