Энди уй-жойни “снос”га тушганини олдиндан билиш мумкин
"Қурилиш соҳасига оид ягона маъмурий қурилиш регламентларини тасдиқлаш тўғрисида" ҳукумат қарори қабул қилинди.
Ўзбекистонда уй-жойнинг «снос»га тушганини аниқлаш бўйича давлат хизматлари кўрсатилади. Маълумотнома 3 иш кунида расмийлаштирилади ҳамда ариза берувчининг электрон манзилига юборилиб, унга бу ҳақида хабар берилади.
Қарорга кўра, қуйидагилар бўйича давлат хизматлари кўрсатишнинг маъмурий регламентлари тасдиқланган:
— бино ва иншоотларнинг ташқи кўринишини ўзгартиришни келишиш;
— бино ва иншоотларнинг ихтисослашишини ўзгартириш, қайта қуриш, реконструкция қилиш ҳамда ўз ҳудудида қўшимча бино ва иншоотларни қуришни лойиҳалаштиришга рухсатнома бериш;
— архитектура-режалаштириш топшириғини ишлаб чиқиш;
— лойиҳа-смета ҳужжатларини келишиш;
— қурилиш-монтаж ишларини бошлаш учун объектни рўйхатдан ўтказиш;
— қурилиш-монтаж ишлари тугалланган объектдан фойдаланиш учун рухсатнома бериш;
— кўчмас мулк бузилишга тушган ёки тушмаганлиги тўғрисида маълумотнома бериш.
Шунга мувофиқ, жумладан, бино ва турар жойларнинг бузилишга тушганлик ҳолати ҳақида маълумотнома олиш учун ДХМ ёки ЯИДХПга мурожаат қилинади. Маълумотнома олиш учун аризалар ЯИДХП орқали дам олиш ва байрам кунларидан қатъи назар, 24 соат давомида юборилиши мумкин.
