Буйрак трансплантацияси барча ҳудудларда йўлга қўйилади
Ўзбекистонда инсон аъзолари ва тўқималари трансплантацияси қонун билан мустаҳкамланади. Бу ҳақда Олий Мажлис Сенатининг навбатдаги ялпи йиғилишида маълум қилинди.
Унда “Инсон аъзолари ва тўқималари тўғрисида”ги қонун муҳокама қилинди.
“Трансплантация жараёнларини сифатли амалга ошириш учун зарур бўлган қонуности ҳужжатларини ишлаб чиқилади. Трансплантация хизмати аҳолига яқинлаштирилиб, ҳудудларда бу борадаги амалиётларни сифатли ва самарали йўлга қўйиш керак”, — дейди Сенат раиси Танзила Норбоева.
Унинг сўзларига кўра, барча ҳудудларда буйрак трансплантацияси амалиётини йўлга қўйиш зарур. Бунинг учун тегишли тиббиёт муассасаларининг моддий-техника ва кадрлар салоҳиятини ошириш каби йўналишларда қатор вазифалар аниқ муддатлар билан белгиланди.
