Тошкентда 4 та автомобиль тўқнашуви содир бўлди
Ҳодиса оқибатида машиналардан бири ағдарилган.
Бугун, 2 май куни Тошкент шаҳрининг Шайхоноҳур туманида 4 та автомобиль иштирокида йўл-транспорт ҳодисаси содир бўлди. Бу ҳақда ИИВ Жамоат хавфсизлиги департаменти йўл ҳаракати хавфсизлиги хизмати хабар берди.
Қайд этилишича, воқеа соат 14.30 атрофида туманнинг “Маннон Уйғур” кўчасида рўй берган. Унда “Ласетти”, “Нексия–3” ва иккита “Матиз” русумли автомашиналар ўзаро тўқнашиб кетган. Оқибатда 1980 йилда туғилган фуқаро бошқарувидаги “Матиз” астомобили ағдарилиб кетган.
Ҳодисада ҳеч ким тан жароҳати олмаган. Ҳозирда мазкур ҳолат юзасидан суриштирув ҳаракатлари олиб борилмоқда.
Эслатиб ўтамиз, аввалроқ Андижонда 5 та автомобиль тўқнашуви содир бўлганди. Ҳодиса оқибатида ҳайдовчилардан бири шифохонага ётқизилган.
