Навоийда йўловчилари бор автобус ағдарилиб кетди
Воқеа юзасидан ЙҲХББ маълумот берди.
Ижтимоий тармоқларда тарқалган Қизилтепада йўловчи ташувчи Автобус ағдарилиб кетгани юзасидан расмий маълумот берилди.
Мазкур воқеа 2022 йил 3 май куни соат 10:00 ларда, Навоий вилояти, Қизилтепа тумани ҳудудидан ўтувчи 4R-65 автомобиль йўлининг 23-24-километрлари оралиғида ҳайдовчи, 1973 йилда туғилган К.Ў. "Yutong" русумли автобусда ҳаракатланаётиб, эҳтиётсизлиги оқибатида руль бошқарувини йўқотган ва автобус йўл четига ағдарилган.
Маълум қилинишича, ЙТҲ натижасида 5 нафар йўловчилар тан жароҳати билан шифохонага ётқизилган.
Ҳозирда Навоий вилояти ИИБ ҳузуридаги ТБ томонидан Ўзбекистон Республикаси Жиноят Кодексининг 266-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
