Ўзбекистон ТИВ Ҳиндистонга ташриф буюради
2022 йил 11 май Деҳли шаҳрида икки давлат Ташқи ишлар вазирликлари ўртасида сиёсий маслаҳатлашувларнинг 15-давраси бўлиб ўтади.
Ташқи ишлар вазирлигини расмий саҳифаси хабар беришича,Ўзбекистон делегацияси ташқи ишлар вазири ўринбосари бошчилигида Ҳииндистонга боради.
Ташриф давомида давлатлар дўстлик ва стратегик шериклик муносабатларини янада мустаҳкамлаш, сиёсий, савдо-иқтисодий, инвестициявий, маданий-гуманитар ва бошқа соҳаларда кўп қиррали ҳамкорликни кенгайтиришга оид долзарб масалалар кўриб чиқилади.
Олий даражада аввал эришилган келишувлар ижросини таъминлаш, шунингдек, савдо, саноат кооперацияси, «яшил» тараққиёт, инновацион ва рақамли технологиялар, транспорт-логистика, маданий-гуманитар алмашинув соҳаларида амалий ҳамкорликни ривожлантиришга алоҳида эътибор қаратилади.
Шунингдек, ҳудудлараро ўзаро ҳамкорликни ривожлантириш истиқболларини ҳам муҳокама қилинади.
