Владимир Норов Душанбега боради
У МДҲ ва Марказий Осиё ТИВ раҳбарлари билан учрашади.
Ўзбекистон делегацияси Душабеда бўлиб ўтадиган МДҲ ташқи ишлар вазирлари кенгашида иштирок этади. Бу ҳақда “Дунё” АА хабар берди.
Делегацияга Ўзбекистон ташқи ишлар вазири в.б. бошчилик қилади. МДҲ бош дипломатлари Тожикистонда 12-12 май кунлари йиғилади. Учрашувда халқаро майдондаги долзарб масалалар, МДҲ форматидаги ҳамкорлик, қўшма дастурлар ижроси, шунингдек, Ҳамдўстлик давлатлари раҳбарлари Кенгашига тақдим этиладиган ҳужжатлар лойиҳаси кўриб чиқилади.
Шу билан бирга Ўзбекистон делегацияси Душанбеда Марказий Осиё ташқи сиёсий идоралари раҳбарларининг навбатдаги учрашувида иштирок этиб, икки томонлама музокаралар ўтказади.
Аввалроқ Тошкентда ШҲТ халқ дипломатияси форуми бошлангани тўғрисида хабар берилганди.
