Сардор Умрзоқов Амир Хон Мутаққий билан музокара ўтказди
Унда Трансафғон темирйўли лойиҳаси муҳокама қилинган.
Афғонистон ташқи ишлар в.б. Амир Хон Мутаққий Ўзбекистон Республикаси бош вазири ўринбосари – инвестициялар ва ташқи савдо вазири Сардор Умрзоқов билан музокара ўтказди. Бу ҳақда Афғонистон ТИВ расмий вакили Абдул Қаҳҳор Балхий маълум қилди.
Музокаралар видеоконференция алоқа кўринишида бўлган. Томонлар савдо ва транспорт соҳасидаги ҳамкорликни муҳокама қилган. Шунингдек, Термиз-Мозори Шариф – Кобул – Пешовар темирйўли қурилиши масаласи кўриб чиқилган.
Абдул Қаҳҳор Балхийга кўра, Амир Хон Мутаққий тез орада темирйўл бўйича якуний режа ишлаб чиқилиши якунлаши ва Ўзбекистон томонига тақдим этилишини маълум қилган. У Тошкент Кобул ташқи сиёсатида алоҳида ўрин эгаллашини қайд этган.
Аввалроқ Ўзбекистон толибларга афғон самолётларини қайтармаслиги маълум бўлганди.
