0
Ўзбекистонда 2029 та мактабга замонавий компьютер етказиб бериш бошланди
«Бир миллион дастурчи» лойиҳаси доирасида мактабларга замонавий компьютерлар карвони йўл олди
ХТВ хабар беришича, Президент Шавкат Мирзиёевнинг 2021 йил 10 сентябрь куни кенгайтирилган тарзда ўтказилган видеоселектор йиғилишида умумтаълим мактабларини замонавий компьютер синфлари билан жиҳозлаш топшириғи берилган эди.
Ушбу топшириққа мувофиқ Республика бўйича 2029 та мактабларни замонавий компьютер техникаси билан таъминлаш вазифаси белгиланди.
Бугунги кунда Халқ таълими вазирлиги томонидан республика бюджетидан 1 014 та замонавий компьютер синфлари харид қилинди ва вилоятлардаги умумтаълим мактабларига компьютер техникалари ортилган карвонда босқичма-босқич етказиб берилмоқда.
