Тиббиёт ходимларининг иш ҳақи икки марта ошириладими?
ССВ ходими ҳолатга ойдинлик киритди.
Яқинда тиббиёт ходимлари иш ҳақлари 10-15 фоизгача ошган эди. Иш ҳақларини ошириш тўғрисидаги Президент фармони билан уларнинг ойлиги яна оширилиши ҳақида вазирлик ходими маълум қилди.
2022 йил 17 майдаги "Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида”ги Президент фармони асосида тиббиёт ходимларининг ойлиги 10-15 фоизга оширилиши белгиланган.
"Сўнгра кеча, 20 май куни қабул қилинган иш ҳақларини ошириш ҳақидаги Президент фармони асосида барча ходимлар қаторида тиббиёт мутахассисларининг маоши ҳам яна 12 фоизга оширилади.Юқоридаги иккала фармон ҳам 1 июндан бошлаб кучга киради. Масалан, 3 млн сўм ойлик оладиган тиббиёт ходимининг ойлиги дастлаб 15 фоизга ошади дейлик, шунда 3 млн. 450 минг сўм бўлади. Кейин яна 12 фоиз ошади ва жами 3 млн 864 минг сўм бўлади", – деди соғлиқни сақлаш вазири ўринбосари Отабек Фозилкаримов.
