Тошкентда 21 ёшли ҳайдовчи автоҳалокатда вафот этди
Шаҳар ИИББ ҳодиса тафсилотларини маълум қилди.
Тошент вилояти Мирзо Улуғбек туманида 4 июнь куни Ласетти йўл-транспорт ҳодисасига учради. Ҳолат юзасидан шаҳар ИИББ маълумот берди.
Хабар қилинишича, шу куни соат 00:25 атрофида 21 ёшли ҳайдовчи С. Н. ўзининг Ласетти русумли автомашинасида Мирзо Улуғбек тумани Оққўрғон кўчаси бўйлаб ҳаракатланаётиб, бошқарувни йўқотган ва йўлни ўртасидаги ёритиш устунига урилган.
Ҳодиса оқибатида ҳайдовчи С. Н. тан жароҳати олиб, шифохонага ётқизилган. Тиббиёт ходимларининг уринишларига қарамай, у жонлантириш бўлимида вафот этган.
Мазкур ҳолат юзасидан Тошкент шаҳар ИИББ томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
