Жаҳон чемпионатида офсайдни энди сунъий интеллект аниқлайди
Янги технология ўйин ҳолатини аниқлаш вақтини тўрт сониягача қисқартиради.
FIFA Қатардаги жаҳон чемпионатида ўйиндан ташқари ҳолатни аниқлашнинг ярим автоматик тизимини жорий қилади. Бу ҳақда “The Guardian” нашри хабар бермоқда.
Хабарда айтилишича, янги технология ўйин ҳолатини аниқлаш вақтини тўрт сониягача қисқартириши керак. Сунъий интеллектни жорий этиш ҳақидаги қарор Халқаро футбол ассоциацияси кенгаши томонидан қабул қилинган. Янги тизим дарвоза чизиғини кесиб ўтиш технологияси билан бир хил жараёндан фойдаланади.
Тизимнинг ишлаш принципи шундаки, у видео арбитр ёрдамчисига яшин тезлигида билдиришнома юборади. Шундан сўнг у офсайдда бўлган ўйинчининг эпизодига таъсир даражаси ҳақида қарор қабул қилади.
Камералар ва компютерлар ўйинчилар ва тўпни кузатиб боради ва сунъий интеллект тўп тепилган исталган вақтда ўйинчи офсайдда эканлигини аниқлаши мумкин бўлади.
