0
Тест синовлари ёпиқ биноларда бўлиб ўтади
2 йилдан буён синовлар очиқ ҳавода ўтказилаётганди.
Ўзбекистон Миллий ахборот агентлиги хабарига кўра, бу йилги тест агар давлат комиссияси ёки махсус комиссиянинг таклифлари, чекловлари бўлмаса, албатта ёпиқ биноларда ўтказилади.
“Бу йил ҳам абитуриентлар сув ва ручкалар билан таъминланади. Ҳисоб-китоб талаб этиладиган фанлар учун саволларнинг оралиғида ёзишга жой қолдирилади”, дейилади хабарда.
Маълумот ўрнида: пандемия сабаб 2020/2021 йилги тест синовлари очиқ майдонларда (стадионлар, хиёбонлар) ўтказилганди.
Эслатиб ўтамиз, аввалроқ 20 июндан абитуриентларни онлайн рўйхатга олиш бошлангани хабар қилинганди.
