Абитуриентлар учун мобиль илова яратилди
Дастур орқали ОТМга онлайн хужжат топшириш мумкин.
Давлат тест марказининг my.dtm.uz сайти орқали онлайн рўйхатдан ўтишда абитуриентларга қулайлик яратиш мақсадида сайтнинг мобил иловаси ишлаб чиқилди. Бу ҳақда ДТМ расмий телергам саҳифасида маълум қилинди.
Мобил илова орқали олий таълим муассасаларининг бакалавриат таълим йўналишларига йўналишларига кириш учун онлайн рўйхатдан ўтиш ва Давлат тест марказининг расмий веб-сайтида эълон қилинаётган янгиликлар билан танишиб бориш мумкин.
Мобил илова “Андроид” операцион тизимида ишловчи телефонларга мўлжалланган бўлиб, ундан 3 хил тилда — ўзбек, рус ва қорақалпоқ тилларида фойдаланиш имконияти мавжуд. Уни “Гоогле Плай” палтформасига орқали юклаб олиш мумкин.
