"АҚШ Тайвандан ҳеч қачон воз кечмайди" — Ненси Пелоси
Тайван президенти Пелосига фахрий орден топширди.
АҚШ Вакиллар палатаси спикери Ненси Пелоси Тайван президенти Тсай Инвен билан учрашиб, Қўшма Штатлар Тайвандан воз кечмаслигини айтди.
“Бугун бизнинг делегациямиз... Тайванни қўллаб-қувватлаш бўйича мажбуриятимиздан воз кечмаслигимизни ва мустаҳкам дўстлигимиздан ғурурланаётганимизни очиқ айтиш учун бу ерга келди”, — деб таъкидлади америкалик сиёсатчи.
Унинг қўшимча қилишича, Американинг Тайван билан бирдамлиги ҳозир жуда муҳим.
Тсай Инвен АҚШнинг орол билан муносабатларини ривожлантиришга қўшган ҳиссаси учун Пелосига Тайваннинг энг олий фуқаролик мукофоти — "Меҳрибон булутлар" фахрий орденини топширди.
"Мен ушбу мукофотни спикернинг офисида кўрсатишни ёки дўстлигимиз рамзи сифатида Капитолийда тақишни интиқлик билан кутаман", — деди спикер.
