0
ОТМга кириш имтиҳонлари қачон бошланиши маълум қилинди
Имтиҳон жараёнлари 10 кундан 13 кунгача давом этади.
Вазирлар Маҳкамаси ҳузуридаги Давлат тест маркази ОТМга кириш имтиҳонлари қачондан бошланишини маълум қилди.
Унга кўра, 2022/2023 ўқув йили учун олий таълим муассасаларига кириш тест синовлари 2022 йил 8 август кунидан бошланади. Имтиҳонлар стадион ва хиёбонларда ўтказилади.
Тест синовлари кунига икки сменада, яъни 1-сменада 07:00 дан 10:00 га қадар, 2-смена 19:00 дан 22:00 га қадар бўлиб ўтади. Тест синовлари ҳудудлардаги абитуриентлар сони ва тест синовлари ўтказиладиган майдонлар сиғимидан келиб чиққан ҳолда 10 кундан 13 кунгача давом этади ва 20 август куни якунланади.
Тест синовида иштирок этиш учун “Абитуриент рухсатномаси”ни бериш 4 август кунидан бошланади.
