Ўзбекистон ТИВ Буюк Британиядаги элчихонага уюштирилган ҳужумни қоралади
“Дипломатик ваколатхоналар ходимларининг ҳаёти ва саломатлигига таҳдид соладиган ҳар қандай хатти-ҳаракатларни мутлақо қабул қилиб бўлмайди”, — дейилади баёнотда.
Ўзбекистон Ташқи ишлар вазирлиги Озарбайжон Республикаси Элчихоналарига уюштирилган ҳужум юзасидан муносабат билдирди. Бу ҳақда вазирлик расмий сайтида баёнот эълон қилинди.
Вазирлик 4-август куни Озарбайжоннинг Буюк Британия ва Шимолий Ирландия Бирлашган Қироллигидаги Элчихонасига ғаразли мақсадда уюштирилган ҳужумни қатъий қоралаган.
“Дипломатик ваколатхоналар ходимларининг ҳаёти ва саломатлигига таҳдид соладиган ҳар қандай хатти-ҳаракатларни мутлақо қабул қилиб бўлмайди”, — дейилади хабарда.
Баёнотда ҳодисани ҳар томонлама текшириш ва барча алоқадорларни жавобгарликка тортишга чақирилган.
Шунингдек, Ўзбекистон томони қардош Озарбайжонни хориждаги фуқароларининг хавфсизлиги ва ҳимоясини таъминлашда қўллаб-қувватлашини билдирган.
