Ўзбекистон қўшни давлатлар билан ҳамкорликни кенгайтиради
Президент бу бўйича янги лойиҳалар билан танишди.
Президент Шавкат Мирзиёев 8 август куни Марказий Осиё давлатлари билан ҳамкорликни кенгайтириш масалалари бўйича йиғилиш ўтказди. Бу ҳақда Президент матбуот хизмати хабар берди.
Ўзбекистонинг Марказий Осиё давлатлари билан дўстона ва ўзаро манфаатли алоқалари изчил ривожланиб бормоқда. Сўнгги беш йилда улар билан ташқи савдо ҳажми 2,5 баробарга кўпайиб, 6 миллиард доллардан ошган. Мамлакатда қўшни давлатлар капитали иштирокида 1 минг 700 та қўшма корхона очилган.
Йиғилишда Марказий Осиё давлатлари билан иқтисодий ҳамкорликни кенгайтиришга оид янги лойиҳа ва таклифлар кўриб чиқилди.
Ўзбекистонда кичик бизнесни янада ривожлантириш мақсадида ҳудудларнинг инвестицион жозибадорлиги миллий рейтингини ишлаб чиқиш тизими ҳам мухокама қилинди.
Давлат раҳбари кўриб чиқилган масалалар бўйича аниқ топшириқлар берди.
