Тестнинг илк кунидаёқ абитуриент имтиҳонга телефон олиб кирди
У тест саволлари китобини расмга олиб тарқатган.
Аввалроқ, ижтимоий тармоқларда буйилги ОТМга кириш имтиҳонларидаги тест синовига тааллуқли тест саволлари суратлари тарқалди. ДТМ ҳолат юзасидан маълумот берди.
Маълум қилинишича, кимё фанидан тест топшириқлари акс этган тест саволлари китоби бугун, 8 август куни Фарғона вилоятида ўтказилган тест синовларига тааллуқли бўлган.
Мазкур абитуриент тест синови вақтида телефондан фойдаланаётгани аниқланиб, далолатнома асосида тест синовларидан четлаштирилган.
