Шавкат Мирзиёев АҚШ делегациясини қабул қилди
Учрашувда кўп қиррали ҳамкорликни кенгайтириш масалалари кўриб чиқилган.
Бугун, 22 август куни Ўзбекистон Республикаси Президенти Шавкат Мирзиёев конгрессменлар Трент Келли ва Дэрин Лахуд иштирокидаги АҚШ делегациясини қабул қилди. Бу ҳақда Президент матбуот котиби Шерзод Асадов хабар бермоқда.
Учрашувда Ўзбекистон билан АҚШ ўртасидаги стратегик шериклик муносабатларини янада ривожлантириш ва кўп қиррали ҳамкорликни кенгайтириш масалалари кўриб чиқилган.
Шунингдек, парламентлар ўртасида фаол алмашинувларни ҳамда конгрессменлар вакиллик қилаётган Миссисипи ва Иллинойс штатлари билан амалий ҳамкорликни давом эттиришга алоҳида эътибор қаратилган.
