Юридик техникумларнинг тест синовлари куни маълум бўлди
Имтиҳонлар очиқ майдонларда ташкил этилади.
2022/2023 ўқув йили учун Адлия вазирлигининг юридик техникумларига кириш тест синовлари 25 август куни бўлиб ўтади. Бу ҳақда “Ҳуқуқий ахборот” телеграм каналида хабар қилинди.
Тест синовлари Қорақалпоғистон Республикаси, Тошкент шаҳри ва вилоятлар марказларидаги очиқ майдонларда ташкил этилади.
Абитуриентлар тест синови ўтказиладиган ҳудудга белгиланган вақтдан кечикмасдан шахсини тасдиқловчи ҳужжат ҳамда тест синовида иштирок этиш рухсатномаси билан келиши керак.
